نستعرض في هذا المقال دراسة كامله للمتطلبات اللي تخليك تقدر تشتغل وتبدأ المشروع وفي نفس الوقت تضمن أفضل استثمار لفلوسك.
اهم النقط اللي هنتكلم عنها
- استخدامات الماكينه
- انواع الماكينات
- أسعار الماكينات
- المواد الخام واسعارها
- متطلبات المكان
- الارباح المتوقعه
- تسويق المنتج
استخدامات الماكينة:-
الماكينة لها استخدامات كتير طبعاً كلنا بنشوف الاستيكرات الموجوده على السيارات زي شعار مفرغ او رسمه او حتى كلمه مكتوبه ونفس الشئ في الديكورات في المنازل زي رسمة وردة علي الحائط أو في السقف وكمان الورق الخاص بأشكال ورسومات الحنه والكتابة علي الرخام بتحتاج الاستيكر المفرغ بالكتر لكتابة كلمه أو رسمه على الرخام كمان بتستخدم استيكارات الكتر بلوتر لعمل أشكال على الزجاج من خلال مسدس الرمل فأستخدمات الماكينه كثيره جدأ.
أنواع الماكينات
في كتر مواصفات أوروبي تجميع الصين وده بيكون بمقاسات مختلفه بس افضل مقاس لبداية المشروع ٧٢سم والطول بيكون لحد ٥٠متر والماكينه يكون الصافي الخاص بها ٦٣سم
وفي ماكينه صناعة صيني نفس المقاس طبعاً الماكينات تعمل بتشتغل ٢٢٠فولت وبيتم توصيلها على الكمبيوتر وبرامج التصميم الخاصه بها سهله جدا ويمكن لاي شخص يستخدمها.
أسعار الماكينات
الماكينه المواصفات الأوروبي سعرها ١١ألف جنيه والماكينات الصيني في ٤٥٠٠جنيه وفي مستعمل على olx ٣٠٠٠جنيه بس ده بيكون عايز واحد عنده خبره في الكتر بلوتير كويسه
المواد الخام واسعارها
المواد الخام في اكثر من نوع الفينيل والفسفور والفينيل الحراري كمان الماجيك وده بيستخدم زي ماسك بعد التفريغ يلصق الماجيك عليه يمسك الاستيكر كله مع بعض وده أمر سهل جداً.
أسعار الفينيل الرول ٥٠ متر بيكون سعره في الغالب من ٤٥٠إلي ٥٠٠حسب اللون وده بيكون عرض ٦١سم يعني المتر ١٠جنيه
متطلبات المكان
ممكن أفتح داخل البيت بدون أي تكاليف واشتغل داخل البيت لاكن المحل هيكون أفضل مش لازم يكون كبير لأن ممكن مع المشروع ده تفتح كماليات سيارات وموتسكلات حجات بسيطه لو تحب.
الأرباح المتوقعه
طبعاً كلنا نعرف أي محل اكسسورات روح واسئله على سعر الاستيكر عنده وشوف حجمه قد أيه ممكن يكون ١٠في ٢٠سم مثلا وشوف هيقولك بكام هيقولك أضعاف مضاعفه من تكلفته لو حسبت المتر ٦٠في ١٠٠بيكون ١٠جنيه تكلفته بعد الماكينه والايجار والصيانه نفرض ١٥جنية تكلفة سعر المتر ده ممكن يتباع أقل شئ ٦٠جنيه.
بالنسبه للتسويق
أنا عندي فكره مبتكره في المشروع وممكن تظبط معاك جدأ وزي أنا معوتكم على التسويق على مواقع التواصل الاجتماعي وموقع سوق دوت كوم وجوميا بس حابب قبل ما نسوق أعرض عليكم الفكره دي هنعمل اكتر من رسم وتصميم لجدران الشقق والثلاجات والغسلات ومفاتيح الكهرباء ونبدأ نغلف الاستيكرات دي في أكياس سلفان ورسمات الحنه ونبدأ نسوق على سوق وجوميا ونوزع علي محلات البويات الاستيكر الخاص بالشقق ومحلات الأدوات المنزليه الخاص بالغسلات والثلاجات ومحلات الأدوات الكهربائيه الخاص بمفاتيح الكهرباء والكوافير ومحلات مستلزمات التجميل ورق الحنا المفرغ وكده تكون سوقت الاستيكرات في أكثر من مكان.
وربنا يكرم الجميع من أوسع الأبواب أتمنى أكون فيدكم في المشروع
فيديو توضيحي للمشروع